Nikola Jokić vratio se na parket poslije povrede. Odigrao je 15 i po minuta u pobjedi Denvera nad Klipersima sa 126:115.
Podijelio je sedam asistencija, ubacio dva poena i zabilježio tri skoka. Prijala mu je uloga asistenta ovaj put, povreda šake je bila takva da bi možda uticala malo i na šut, pa se MVP okrenuo drugim zadacima.
U svakom slučaju, moguće je i da ćemo ga više gledati kao asistenta u novoj sezoni, kada se tim kompletira povratkom Mareja i Portera.
Nikola Jokic's court vision is just elite 👀pic.twitter.com/tuGSgmzEkI
— Nuggets Nation (@NuggetsNationCP) October 13, 2022
I oni se polako vraćaju u ritam uz doziranje minutaže, a Smit je Denver predvodio sa 15 poena, Koldvel-Poup je dodao 14, Nadži slijedi sa 13 poena i osam skokova.
Gordon i Porter imali su po 12 poena, a Pauel je bio dominantna figura Klipersa sa 34 poena. Nije bilo Hajlanda, Mareja i Džefa Grina, zbog povreda ili odmaranja, ne želi Maloun ništa da rizikuje pred novu sezonu.
Denver je u prethodnom meču pobijedio Sanse sa 107:105 bez pomoći Jokića, sada slijedi generalka, i to protiv šampiona. Voriorsi će ugostiti Denver 15. oktobra, pa pet dana kasnije sezona kreće 20. oktobra protiv Jute na parketu Džezera.
