Legendarni NBA košarkaš Irvin Medžik Džonson progovorio je o danima rivalstva između Njegovih LA Lejkersa i Boston Seltiksa.
On je bio u dobrim odnosim sa Lerijem Birdom, ali prijateljstvo nije moglo da potraje zbo “neprijateljstva” dva kluba.
– Bird i ja nismo mogli da budemo prijatelji zbog rivalstva Lejkersa i Seltiksa. Mrzieli smo mi njih, a i oni nas. Pat Rajli je jednom naglasio: “Ako je igrač Seltiksa pao na pod, bolje je ne pomagati mu da ustane”. Morali smo da ih mrzimo da bismo pobijedili – otkrio je Medžik.
Onda je ispričao i zanimljivu anegdotu vezanu za odlazak u dom Lerija Birda.
-Konvers je htio da napravi reklamu sa nama obojicom. Odletio sam u Frenč Lik u Indijanu, odakle je Leri. Snimili smo otprilike polovinu reklame, i bilo je vrijeme za ručak. Otišao sam do prikolice i odjednom čujem: “Medžik, volio bih da ručaš kod mene. Moja majka je kuvala.” Spomenuo je mamu, pa sam morao da idem. Kad smo došli njegova majka vadi suđe, udara ga i kaže: “Jesi li mu već rekao?” On je odgovorio: „Ne, majko, reci mu sama“. Onda ona kaže: „Medžik, ti si moj omiljeni košarkaš”.
