Juventus je na svom stadionu poražena od Benfike 1:2 i tako nakon drugog kola u Ligi šampiona i dalje nemaju bodova.
Već u 4. minuti domaćin dolazi u vodstvo. Paredes je odlično centrirao, a najviši je u skoku Arkadijuš Milik koji preciznim udarcem glavom dovodi “Staru damu” u prednost.
U 10. minuti moglo je biti 2:0. Velika šansu propustio je Kostića koji je šutirao malo pored lijeve stative Vlahodimosa.
Fabio Mireti je u 18. minuti odlično odradio dupli pas sa Vlahovićem i uputio precizan centaršut po zemlji, ali je Milik za malo zakasnio, tako da se rezultat nije mijenjao.
Prvu veliku šansu Benfika je imala u 27. minuti preko svog napadača Gonzala Ramosa, ali šutirao je pravo u golmana Juventusa Matiju Perina.
U 43. minuti Žoa Mario sa jedanest metara postiže gol i poravnava rezultat. Na odmor se otišlo sa tim rezultatom.
U drugom poluvremenu totalni preokret. Igrao se 55. minut kada je odbijenu loptu Rafa Silve pokupio David Neres i zakucao je u mrežu. Perin je bio nemoćan i to je 2:1 za Benfiku.
Domaćini su u 71. minuti pogodili stativu, da bi u 83. Vlahović zatresao mrežu, ali je gol poništen jer se De Šilko našao u ofsajdu.
U 88. minuti veliki promašaj Bremera sa samo dva metra je pokazao svo sivilo “Stare dame” u ovoj utakmici.
U ovoj grupi Benfika i PSŽ imaju po 6 bodova, dok Juventus i Makabi nisu još upisali bodove.
Juventus će u narednom kolu dočekati Makabi iz Hiafe, dok će Benfika ugostiti Pari Sen Žermen.
Dortmund je u Mančesteru vodio od 56. minute golom Belingema, pa sve do 80. kada Stons odličnim udarcem sa distance donosi izjednačenje. Samo četiri minuta kasnije, maestralna asistencija Kansela koju je u gol pretvorio Erling Haland za potpuni preokret i konačni rezultat.
Evo i svih rezultata:
AC Milan – Dinamo 3:1
Šahtar – Seltik 1:1
Čelzi – Salzburg 1:1
Kopenhagen – Sevilja 0:0
Juventus – Benfika 1:2
Makabi Haifa – PSŽ 1:3
Mančester Siti – Borusija Dortmund 2:1
Rendžers – Napoli 0:3
Real Madrid – Lajpcig 2:0
